Света Божествена Литургија во манастирот „Свети Климент Охридски“ во Кинг Лејк, Мелбурн (Викторија)

Кондак

глас трети

Од Твојата татковска слава се оддалечив безумно,

на зло го потрошив богатството што ми го предаде.

Затоа како блудниот (син) Ти се обраќам: Згрешив

пред Тебе, Оче Штедар, мене покајникот прими ме и,

како еден од Твоите наемници, направи ме.

 

На 04. 02. 2018, во Неделата на блудниот син, кога Светата Црква ги празнува Собор на руските новомаченици и исповедници; Светиот апостол Тимотеј; Преподобниот маченик Анастасиј, во манастирот „Свети Климент Охридски“ во Кинг Лејк, игуменот на манастирот, архимандритот Гаврил (Галев) отслужи Света Златоустова Литургија.

На Светата Литургија, верниот народ се причести со Светите Христови Тајни.

 

Икос

Секој ден Спасителот ни зборува, за да нè

научи со Својот сопствен глас. Да слушнеме што

вели Писмото за блудниот (син), и со вера да

го подражаваме неговото добро покајание. На Оној

што ги знае тајните на сите, со смиреност на срцето

да извикаме: Ти згрешивме, Оче Штедар, и никогаш

не сме достојни да се наречеме чеда како порано. Но,

бидејќи си човек по природа, прими ме Ти и направи

ме како еден од Твоите наемници.