КРСТОПОКЛОНА НЕДЕЛА И БЛАГОВЕШТЕНИЕ ВО КИНГ ЛЕЈК
На 07. 04. 2024 година, во Третата недела од Великиот пост – Недела Крстопоклона, кога го празнуваме празникот Благовештение, во манастирот „Свети Климент Охридски“ во Кинг Лејк, Мелбурн (Викторија), игуменот на манастирот, отецот Гаврил (Галев) отслужи Света Златоустова Литургија. На Светата Литургија, верниот народ се причести со Светите Христови Тајни.
МАЛО ПОВЕЧЕРИЕ И АКАТИСТ ВО ХРАМОТ „СВЕТИ ГЕОРГИЈ И ПРЕСВЕТА БОГОРОДИЦА“ ВО ЕПИНГ
На 05. 04. 2024 година, во третиот петок од Великиот пост, во црковната општина „Свети Георгиј и Пресвета Богородица“ во Епинг, старешината на храмот јереј Климент Станковски отслужи Мало повечерие со Акатист кон Пресвета Богородица.
ПРЕЖДЕОСВЕШТЕНА ЛИТУРГИЈА ВО ЕПИНГ
На 29. 03. 2024 година, кога Светата Црква ги празнува Светиот апостол Аристовул, Светиот маченик Савин, Светите свештеномаченици Трофин и Тал, во црковната општина „Свети Георгиј и Пресвета Богородица“ во Епинг, старешината на храмот јереј Климент Станковски отслужи Литургија на претходноосветени дарови. На Литургијата, учество зеде верен народ, кој му се заблагодари на Бога и се причести со Светите Христовите Тајни.
Света Божествена Литургија во храмот „Свeти Георгиј и Пресвета Богородица“ во Епинг, Мелбурн (Викторија)
На 04. 02. 2024 година, во 35 недела по Педесетница, кога Светата Црква ги празнува Соборот на руските новомаченици и исповедници; Светиот апостол Тимотеј; Преподобниот маченик Анастасиј, во црковната општина „Свети Георгиј и Пресвета Богородица“ во Епинг, отец Гаврил (Галев) служеше Света Златоустова Литургија. На Светата Литургија, верниот народ се причести со Светите Христови Тајни.
Најмладите членови на МПЦО „Свети Георгиј и Пресвета Богородица“ во Епинг учествуваа во бојадисувањето на велигденските јајца
На 07. 04. 2018 година, во Светата и Велика сабота од Страсната седмица, кога Светата Црква си спомнува и за Благовештението на Пресвета Богородица, во црковната општина „Свети Георгиј и Пресвета Богородица“ во Епинг, во организација на старешината на храмот презвитерот Климент Станковски се одржа бојадисување на велигденските јајца од страна на најмладите членови на заедницата. На манифестацијата зедоа учество доста млади.